ТШ Баянмонгол чуулга ХБНГУ-н Бремен хотод зохион байгуулагдаж буй олон улсын "Жаззахэд" фестивальд 2023 оны 04.28-ны өдөр тоглолтоо маш амжилттай толилуулсан бөгөөд олон улсын уран бүтээлчид, зохион байгуулагчид болон үзэгчид маш өндөр сэтгэгдэлтэй байлаа.
Фестивалийн үеэр хөгжмийн салбарын хөгжил, уран бүтээл туурвил, уран бүтээлчдийг дэмжих олон улсын бодлого, хөтөлбөр зэрэг сэдвүүдээр хэлэлцүүлэг зохион байгуулагдсан. Тус хэлэлцүүлэгт Улсын Филармонийн захирал С.Баттулга, Соёлын яамны Урлаг, уран бүтээлийн бодлогын хэрэгжилтийг зохицуулах газрын ахлах мэргэжилтэн Д.Амарсанаа, хөгжимчин Я.Эрдэнэбат, Монгол дах Гёте институтын соёлын хөтөлбөрийн ажилтан Э.Мөнгөнбаяр, нар оролцлоо.
Бидний энэ удаагийн тоглолтыг ивээн тэтгэсэн, дэмжиж ажилласан байгууллагууд болон, ХБНГУ дахь Элчин Сайдын Яам, Соёлын элч С.Бадамхорол болон биднийг зорин ирж үзсэн Монголчууддаа талархалаа илэрхийлье
Зохион байгуулагч: Соёлын Яам, Монгол Улсын Филармони
Ивээн тэтгэгч: ХААН БАНК
Дэмжигч: Хүрэм, Vans Mongolia, MIAT Mongolia
